ع
عشق7
لا انتمي لاحد🤚🔒
ناشر مجلة
مشرف سابق
عضو
- إنضم
- 25 أكتوبر 2024
- المشاركات
- 728
- مستوى التفاعل
- 949
- نقاط نودزاوي
- 6,563
- الجنس
- أنثي
- الدولة
- 🐺وادي الذئاب🐺
- توجه جنسي
- انجذب للذكور
Offline
امتحان الحب
انا اسمي مسك و بعد اسبوعين على زواجياحنا هسه سنة ٢٠١٥
واخيرا راح ازوج حب عمري حب الطفوله
مازن حب عمري
اني وحيده ماعندي اخوان او خوات
عايشين بلبيت اني وامي وخالتي ابوي توفا من كان عمري ١٠سنوات
امي وابوي ازوجو على كبر
ابوي كان عمرا ٣٢ وامي ٣٠ سنه
ماصار عدهم اطفال بس اني
اني البنيه الحلوه المددله
اني بيضه وعيوني عسلي وجهي دائري
ابتسامتي تخبل
شعري بني فاتح......
امي وخالتي يشتغلن بلمصرف موضفات
خالتي مامزوجه عايشه ويانا بلبيت
اهل امي ماكانو يملكون بيت ملك عايشين كل عمرهم
بلايجار
امي ماعده غير خالتي اختها الوحيده هنا بس ثنيين
من بعد وفاة ابوي بسنتين توفت بيبي(جدتي) ام امي
خالتي كانت رافضه الزواج بسبب بيبي ماتكدر تعوفها (تتركها)
نظر لكبر عمرها ومقعده
بقت ترفض الزواج لمن اخذها العمر وكبرت
راتب جدي على راتب خاله كانو عايشين احسن عيشه
بعد وفاة ابوي بسنتين توفت بيبي ام امي
بقت خاله وحدها بلبيت
امي قررت تجيبها تسكن ويانه
ليش تبقى عايشه وحدها وتدفع ايجار
اني وامي بقينا للاربعين كاعدين وياا خاله
خاف تستاحش على بيبي
لان جانت متعلقه ببها حيل
بعد الأربعين
امي...بعد ماوتبقين وحدج لازم تجين اسكنيين ويانه
خالتي...وهذا البيت
امي.. البيت ايجار ليش تدفعين ايجار حرامات
تعاي اسكني ويانه احنا وحدنا نتجمع سوا بيت واحد احسن
وفلوس الاجار انتي أولى بيهن بيت جبير وفارغ
تعالي ويانه
امي وخالتي جمعن كل الغراض الي بلبيت
قسم باعنهن
وقسم اتصدقن بيهن بثواب بيبي وجدي
وقسم خالتي معتزه بيهن جابتهم وياها
اني اكثر وحده فرحت خالتي راح تسكن ويانه
ولو اني كنت ضايجه على فراك بيبي
لان بيبي جانت كلش حنينه وكلبها طيب
المهم البيت صار بي حس من اجت خالتي
على فكره خالتي وامي يداومن بنفس المصرف بس كل وحده اختصاصها شكل
خالتي كلش فقيره فقيره يعني ممكن تصدك بكلشي
على عكس امي
امي شاطره وحلوه وذكيه ومدبره
امي وخالتي كعدن بغرفه وحده
واني بغرفه وحدي لان ادرس
هسه تعرفون اني شلون اتعرفت على مازن
مازن جيرانه
مو من زمان من اني خلصت صف ثالث متوسط
هما نزلو بلمنطفه
بيتهم برأس الشارع
اول مره شفته كان صاعد على السطح يشر فراش
لمحته بس مادرت بال
بس عرفت هذا البيت نزلو بي سكان جدد
بعد ماكان فارغ
اليوم الي بعدا من رحت للدوام
كان برا ينضف بلمجرا اني كنت امشي ورا وهو سحب صوندا جبيره من هاي الصوده الي ينضفون بيها المجرا
من سحبها رجع ليوره طفر عليه شويه من ماي المجاري
لان الصودنه طختني
اني وكفت وصحت لا لا ملابسي
التفت عليه
مازن...اسف ما شفتج اعذريني تعاي ادخلي غسلي
امه جانت واكفه ورا الباب من سمعت الحجي
فتحت الباب
ام مازن....يااا خاله اتوصختي غير تنتبه شبيك مازن
مازن...سحبت بلصوندا ورجعت ورا ماكنت اعرف هي وراي
مسك...لا ماكو داعي هسه اني انضف ملابسي
طلعت كلنس وكمت امسح بلصدريه
ام مازن...مايصير لازم تجين تغسلين
طلعت ام مازن ودخلوني اغسل راسا مازن عاف الصوندا ودخل وراي
اكو عدهم مغسله برا باب الصحيات
فتحت الماي وكمت اغسل بلمكان الي توصخ
مازن....انتي ليش عايفه الشارع واجيتي واكفتي وراي
مسك...رفعت راسي وخنزرت علي
لا بله النوب طلعت اني الغلطانه انتي تمشي بضهرك
اكو واحد ينضف المجرا هسه الشارع متروس طلاب مدارس
مازن....لازم التنظيف اله وقت لو حضرتج متعوده
من تمشين يفرغون الشارع علمودج(عمزاجك)
مسك...سديت المي وطلعت
مارديت علي بس وصلت يم الباب هو كان قريب عليه وملابسه وصخات كلت كلمه وحده
(غبي ) راسا طلعت
مازن....منو هذا الغبي ماكو غيرج ثوله (غبيه)
عايفه الشارع وجايه تمشي وراي
مو بعيد تتحرشين بيه تردين احجي وياج
مسك...مشيت بدون مالتفت علي حيوان مايفتهم
ام مازن... عيب ماما مايصير تحجي هيج هاي انت الجبير (الكبير)
مازن...ماسمعتيها تكول غبي
ام مازن....اي ضاجت على ملابسها
مازن...خل تولي ضاجت ست الزبيده
مسك.... بقيت طول النهار منزعجه منه
مازن طالب سادس ادبي الطول ١٨٠ حنطاوي
جسم رشيق الابن الاكبر بعائلته
عنده خوات ثنيين وأخ ازغر (اصغر) منه ابو موضف وأمه ربت بيت
مسك... من رجعت من الدوام شفته يغسل بلباب
درت وجهي من صرت كباله حرك الصوندا ورش عليه مي
التفتت علي خنزت( نظرت) علي وبعصبيه
...انت ما تشوف
دار وجها للجهه الثانيه عبالك مايشوفني
مسك....ثول اي ولله ثول
مازن....هاي عليمن
مسك.. عليك اكو غيرك يرش مي بلشارع محتل الشارع عبالك شارع الخلفوه
مازن.. احترمي نفسج اني ساكت لان انتي بنيه لو ولد جان هسه عرفتج حدودج
مسك.... حيوان مشيت بسرعه
راسا رش عليه مي من ورا مالتفت علي مشيت بسرعه
مبين متعمد يضوجني
.......
ان عجبتكم بكملها. 🙏🖤🖤👩🦯
امتحان الحب
البارت الثاني
مسك....احنا السنه ٢٠١٠ اني مرحله رابع اعدادي
اليوم الي بعده طلعت للدوام بس كنت متاخره شويه
لان كعدت متاخره عندي امتحان وبقيت اقرا بليل
امشي بسرعه اريد اوصل قبل لا يدك الجرس
وصلت يم بيت مازن
جان وأكف بلباب ولابس ومتأنق ولازم بيده كتب
بس وصلت كبال بيتهم مشا وياي
التفتت عليه مرتين بس ما حجينا ولا كلمه
اني اصلا كنت متجاهلته لان امس ضوجني (عصبنى)
بقينا نمشي تقريبا سوا هو متقدم عليه شويه
وصلت للاعداديه وهو طلع الاعدادية الولد اعدادي الولد
بلشارع الثاني بعد اعدادية البنات
كملت الدوام وطلعت امشي ولازمه جنطتي اتفقد كتبي خاف ناسيه شي
الشارع هوسه بنات وولد واطفال طالعين من الابتدائيه
جان اسمع صوت
الصبح متاخره وهسه مدري شمضيعه
رفعت راسي شفته يمشي كدامي ويشمر حجي عليه
مسك....اهوووو هم انت
التفتت شفت ٣ بنات من شعبتنا يمشن سوا رجعت حتى امشي وياهن
هو التفت سمعني كلت اهووو هم انت شافني رجعت امشي وياا البنات
بطء مشيته شويه لمن صار بصفي
مازن....وسم عليمن هاي الاهو عليه بسيطه اني اعلمج
مسك...ماحجيت وياا كملت اني والبنات
لمن وصلنا الشارعنا افترقنا اني وياهن (وهم)
التفت عليه مازن....مغروره شايفه نفسج على شنو
ترا مو احلى وحده بلدنيا انتي
اذا اااشر بايدي يمشن ويااي عشره احلى منج
مسك....هزيت ايدي ومشيت هذا شبي مريض نفسي
وصلت للبيت بدلت ونمت شويه كعدتني امي من رجعت من الدوام تغديت وكعدت اقرا
مااعرف ليش اجا كدام عيني
من اذكره اضوج لان هو يتعمد يضوجني
اليوم الي بعده كان جمعه
ماكو دوام والسبت هم عطله
يوم الاحد لبست قميص مخصر (مقسم لين اول الخصر) وتنوره(سكيرت) رصاصي ويلك رصاصي مخصر رفعت شعري طوبه ونزلت كذله
حذاء سبورت ابيض
خليت شويه مرطب ومعطر وطلعت
بشارعنا ماكو وحده وياي اداوم بمدرستي امشي وحدي منا لمن اخلص الشارع بس اخلص الشارع
الكه بنات من مدرستي امشي سوا اني وياهن
المهم وصلت يم بيت مازن طلع من بيتهم وطبك الباب
يمشي كدامي اكو بس جهال ازغار
بعمر الابتدائيه يمشون كدامي
التفت عليه مازن طول النضر اليه بس اني عبالك مااشوفه
دار وجه وكال
مازن.. طالعه حلوه اليوم بس شلفايده حلوه وخشمج يابس (منخارك )
مسك...كمت امشي سريع اريد اسبقه
تنورتي ضيكه وطويله بيها فتحه زغيره من ورا
شكد مااسرع مااكدر اسبقه
ماشاء **** هو طويل ورجليه طوال يمشي اسرع مني بدون ما يبذل اي مجهود
مازن.. على كيفج لا توكعين بهاي تنورتج شلون تمشين مااعرف
مسك...حسيت جاي يتمادى عليه لازم اوكفه عد حده
...وكفت انت شتريد بلضبط
صرت كباله واجت عيني بعينه
بقه يباوع (ينظر)على عيوني وصافن بوجهي وماحجه ولا كلمه
وكانما يتئمل ملامحي
حتى اشرد من هاي النضره الي اخترقت كل حواسي
وحسيت نفسي تخربطت
رجعت عدت على نفس السوال اريد أبين اني قويه
وما خايفه منه اكدر اوكفه عد حده
مسك.. انت شتريد بلضبط فهمني
مازن... خرب هاي شنو العيون
من سمعته كال هاي الكلمه ماكدرت اسيطر على نفسي
كمت اضحك
درت وجهي وكمت امشي بسرعه
التنوره ضيكه من امشي اطلع صوت
مازن....على كيفج لاتوكعين مراح اكلج
بس صحيح هاي العيون والبياض وارثتهن من امج لو ابوج
مسك...وكفت انت فعلا انسان ما محترم
وعديم الذوق ليش ماتحل عني ولله اشتكي عليك
عوفني بحالي يااخي شتريد مني
انتم نزلتو بلاء بهذا الشارع هاي اخر مره اسمع منك حجي
فهمت لولا احترم نفسك وخليني محترمتك
درت وجهي ومشيت هو سكت واني بعد مادرت وجهي علي
من طلعت من الدوام شفته بلشارع
من وصلت قريب علي كام يمشي بس ماحجه ولا كلمه
اليوم الي بعدا كان منتضرني بس ماحجه بس وصلت يم بابهم
مشا وياي وهو ساكت
ومن طلعت لكيته منتضرني
اسبوع كامل وهو يوصلني للدوام ويرجعني بس بدون مايحجي ولا يتكلم
غريب هذا الشخص شنو هلاصرار ليش مصمم يشوفني كل يوم ويوصلني للدوام
ومايحجي ولا كلمه وينتضرني حتى ارجع وياا للبيت
خلصنا ٣ اسابيع اني كل يوم اشوفه من يوم اتعرفت علي لليوم
بعد ما عطلنا جمعه وسبت كنت انتضر يوم الأحد حتى اشوفه
وصلت يم بيتهم بس ماكو مالكيته
امشي واتلفت بلكت يطلع يمشي وراي بس ماكووو
كلت ايجوز طلع للدوام قبلي
من طلعت من المدرسه هم مالكيته ماكو ما ينتضرني مثل كل يوم
امشي واباوع بلوجوه عبالك مضيعه شي
بس ماشفته
امشي واحجي وياا نفسي
ليش اليوم ماكوووو مريض تعبان عنده مشكله
مل مني ضاج من اسلوبي
وصلت للبيت كلش ضايجه
اني اوصل للبيت قبل امي وخالتي لان هنا داوامهن
يخلص ساعة ثنتين علما يرجعن للبيت بسبب الازدحامات
بغداد يوصلن الساعه اتلاثه وربع مرات اتلاثه ونص
اني ارجع للبيت الساعه وحده ابدل وانام لمن يرجعن ويحضرن الاكل يكعدني الساعه بلاربعه
اتغدا وبعد هاي هي هو غده هو عشى
كعدت اتغدا وشكلي ضايجه
امي...شبيج اليوم شكلج مو تمام
مسك...لامابيه شي بس عندي امتحان
امي...**** يسهل عليج
اليوم الي بعده هم ماشفته كلش ضجت معقوله بعد مااشوفه زين هو مو يداوم
شنو عاف المدرسه ليش مجاي اشوفه
ومن طلعت من المدرسه شكد دورت علي بلوجوه
عبالك *** مضيع امه بس ماكووووو
صعب تتعود على شي وراها يختفي يمكن اني جنت حيل قاسيه وياي
بس واذا كنت قاسيه قابل اني اعرفه من زمان
وهو شنو نستله ما يتحمل لازم يكون صبور اكثر
ويتحمل شنو يريدني بسهوله احجي ويااااا
امشي واحجي وياا نفسي
خلاص اني ليش شاغله بالي قابل اني شعندي ويااا
اصلا اني اضوج منه
الاسبوع الي بعده اول يوم دوام يوم الأحد كنت لا بسه تنوره قصيره وبوت طويل
قميص ابيض وستره قصيره سوده بلون التنوره
امي ضفرت شعري كصيبه(ضفيره) هندي
خليت مرطب وتعطرت وطلعت من البيت
طلعت امشي هم ماشفته بعدني ما طلعت من شارعنا
اكو ولد ثنيبن
مو طلاب كبار اكبر من عمرنا
كانو يحجون بصوت عالي ويسمعوني
الاول...ولك شوف المصيبه
....اي هاي صدك جايه من كوكب العسل شوف عيونها
الاول....ولله شكلها مرتب وحلو
...الثاني تعال نتعرف عليها
قربو عليه واحد منا وواحد منا واني صرت بلنص
بس كلش خفت كمت امشي سريع
الاول...اوكفي وين رايحه بس نتعرف يا قارورة العسل
.الثاني.......بس كلمتين
الاول....طالبه انتي بس ولله طالبه باي مدرسه بلكت اشتغل بمدرستكم
مسك...كلش خفت بس ردت ابين اني قويه
.. انتم ماتستحون مو عيب عليكم
الاول....يمه يمه شوف الحجي شوف الصوت انتي منيبن ياحلوه
راسا سمعت صوت عالي وبعصبيه صاح مسك
التفت شفت مازن يشمي سريع وراي بس بيني وبينا مسافه تقريبا ٣ امتار
راسا وكفت
همه من شافو يمشي سربع وجاي عصبي عليهم
عافوني وراحوووو
مازن... منو ذوله
مسك...مااعرف جاي يتحرشون بيه
مازن.. طبعا يتحرشون بيج اذا انتي تنورتج ربع متر
مسك...ضجت من كلامه انتبهت النفسي صح هو خلصني منهم بس ماله حق يدخل بملابسي هو شعلي
.مسك..وانت شعليك
مازن...ما شفتيهم يردون ياكلونج
مسك...وانت شنو دخلك اني اكدر ادافع عن نفسي
اني مو كتلك لا تدخل بحياتي
مازن...ومرض صوجي اني احاول اساعدج
مسك....عفته ومشيت احس جسمي اشتعل نار من القهر
يعني يغيب كل هاي الفتره
ويرجع يغلط عليه هو شنو دخله بملابسي
بقه يمشي قريب عليه بس ماحجه ولا كلمه
منا لمن وصلت للمدرسه
بيومها اترزلت على هاي التنوره من المديره
هددتني اذا اجي بيها مره ثانيه تفصلني من المدرسه
بقيت طول النهار ضايجه
من كد ماضجت حسيت اكو حراره بجسمي
خدودي صارن حمر لان صخنت
طلعت من الدوام
لكيت مازن منتضرتي برا سويت نفسي ماشفته
كمت امشي بصف الحايط
هو يمشي على كيف لمن صار كدامي
مازن... شني هاي خدودج خالتلهن حمره فوك التنوره
هاي الي اجيب التايه النوب لاطمه بلحمره لطم
مسك....ماكدرت ارد علي لان انقهرت منه وجسمي مصخن
حيل
سكتت هو استغرب ليش سكتت مارديت علي
مو من طبعي اسكت اذا احد حجا عليه
من كد ما مقهوره كمت ابجي بس بدون صوت
بس اناشغ (اشهق)
طلعنا من الطلاب والهوسه
التفت عليه شافني مسحت دموعي
مازن...ليش تبجين
مسك.. مارديت علي بس اني من سمعته كال ليش تبجيت
كمت ابجي اكثر
هو بطى مشيته وصار بصفي
مازن.. ليش تبجين ممكن افهم
مسك...مارديت علي بقه يمشي بصفي وكل شويه يرفع عينه عليه
يتأكد بعدني ابجي لو سكتت
منا لمن وصلنا البيتهم مادخل بقه يمشي وياي لمن وصلت البيتنا
يعني مو يمشي بصفي كلش بس قريب عليه
دخلت بلبيت وطبكت الباب
يتبع ❤
التعديل الأخير:
